Good news, everyone! Magkakamay-ada sin libre nga Mass Wedding o Kasalang Bayan yana nga Septyembre 6, 2022 (9/6/22) sa Calbayog City Sports Center, Brgy. Capoocan. Maabot 100 nga magpadis nga Calbayognon an pwede makatagamtam sini nga libre nga serbisyo, labi na gud an mga nag-uupod na sin lima katuig (5) o lahos pa, ilarum sa usa nga panimalay.

Dako nga salamat sa aton talahuron nga Mayor Raymund Uy, kaupod an opisina san City Mayor’s Office, san iya pagpasaro san iya gugma ngan pagtalinguha matagan higayon aton mga magtiayon nga makasal sin libre.

Para san mga magpapakasal nga kinahanglan Marriage License o adton waray pa mag upod lima (5) ka tuig, ada sa tama nga edad ug waray kaulangan (legal impediments), magkakarawat an opisina san LCR sin mga aplikante tubtob Agosto 22, 2022 . Para naman san mga nag upod na lima (5) ka tuig tipa igbaw ngan waray kaulangan (legal impediments), Agosto 30, 2022 an deadline.

Sadton mga interesado makaungay sini nga pagbubuhaton nga Kasalang Bayan 2022, aadi an mga requirements:

A. Article 34: Para sa mga magpadis nga at least lima (5) katuig o lahos pa nga nag-uupod sa usa nga panimalay, ngan waray kaulangan (legal impediments):

1. Livebirth / Baptismal
2. Cedula
3. CENOMAR (Certificate of No Marriage) – Aton ginkakalipay pag anunsyo nga an LGU san Calbayog an magshoshoulder san baraydan ngan pagpanginano san CENOMAR didto sa PSA Catbalogan. Kinahanglan la bumisita sa opisina san LCR para makaavail sini nga serbisyo.

B. Para sa mga magpadis nga ada sa tama nga edad, waray pa naglima katuig nga live-in partner, nga waray kaulangan:

1. Marriage License
2. Seminar – tikang sa opisina san POPCOM
3. 2×2 Picture – 2 pcs
4. Cedula

Para sa kadugangan nga impormasyon, alayon pagbisita san opisina san LCR (Local Civil Registry Office), sulod san City Hall Compound, Calbayog City. Puydi liwat tumawag sa hotline pinaagi sa numero: (055) 209 1798.

Share our post!